«Mundaı ydystar ádette Qyrym aýmaǵynda ıtalııalyq tehnologııa boıynsha jasalatyn. Albarello sılındr pishindi, túbi saqınaly tuǵyrly kelgen, aıryqsha keń moıyndy. Oıýly kompozısııamen syrlanǵan tik tilik syzyqtardan jasalǵan tórt jolaqtan turady, arasyna kóldeneń bólingen eki trapesııa túrindegi belgini shtrıhtap ornatqan. Joǵary jaǵynda tórtjapyraqty gúldi frız júrgizilgen. Iyq bóliginde tik syzyqtarmen sektorlarǵa bólingen, 20 trapesııadan turatyn beldeý ornalasqan. Moıny shyrsha tárizdes órnekpen áshekeılenipti», - deıdi oblystyq tarıhı-ólketaný mýzeıiniń basshysy Rashıda Harıpova.
Saraıshyqta qysh buıymdar daıyndaıtyn ortalyq bolǵan. Bul ydys Qyrym asyp kelmeı-aq, jergilikti sheberlerdiń qolynan shyǵýy da múmkin. Kóne shahar ornynan pýl men dırhem túrindegi nýmızmatıkalyq materıaldar da tabyldy. Bıylǵy qazba jumystary kezinde 21 úlgide soǵylǵan 75 tıyn topyraq astynan arshylyp alyndy. Olardyń arasynda 1310 jyldary Saraı qalasynda О́zbek hannyń tusynda soǵylǵan tıyndar da bar.
Baqytgúl BABASh,
«Egemen Qazaqstan».
ATYRAÝ.
